DIMO har oppgradert verktøyet i servicehallen på Hareid og har no full drift på sylinderbenken for store hydrauliske sylindrar. For kundane betyr det betre kapasitet, tryggare handtering og meir kontrollert overhaling av store hydrauliske sylindrar. Lokalt på Hareid.
Med sylinderbenken i full drift har DIMO styrkt kapasiteten for store hydrauliske sylindrar:
- Sylindervekt: opptil 12 tonn
- Samankøyrd sylinderlengde: opptil 8500 mm
- Nut cracker: opptil 135 000 Nm
- Trykktesting: opptil 500 bar
Sylinderbenken er bygd for presis og trygg handtering av tunge hydrauliske sylindrar. Kapasiteten gjer det mogleg å arbeide systematisk med store komponentar frå mellom anna dekksutstyr, kranar, vinsjar, luker, løftearrangement og andre maritime installasjonar.
Med nut cracker opptil 135 000 nm kan serviceteamet arbeide med komponentar som krev svært høg kraft ved demontering og montering. Trykktesting opptil 500 bar gir samtidig viktig kontroll før sylinderen blir levert tilbake til kunde eller montert på nytt.
Ei sylinder-overhaling startar med demontering og grundig inspeksjon. Serviceteamet vurderer tilstanden på stempelstang, sylinderløp, pakningar, pakkboks, føringar, lager og tilkoplingar.
Slitasje, korrosjon, riper, lekkasjepunkt, deformasjonar og forureining i systemet blir vurdert før vidare tiltak blir bestemte. Pakningar, føringar og slitedelar blir bytte ved behov, og skadar på stang, løp eller andre komponentar kan krevje polering, reparasjon eller utskifting.
I maritim verksemd kan ein defekt sylinder raskt føre til forseinkingar, redusert funksjon eller driftsstans. Store hydrauliske komponentar er ofte tett knytte til kritisk utstyr om bord, og servicearbeidet må utførast med god kontroll frå start til slutt.
DIMO handterer både ute- og inneservice, og kan ta seg av prosessen frå demontering ute hos kunde til overhaling i verkstad og reinstallering på staden.
For kunden gir dette éin part å forhalde seg til, betre flyt i servicearbeidet og større tryggleik for at sylinderen kjem tilbake i forsvarleg drift.
Sylinderbenken styrkjer DIMO si satsing på service og reparasjon av tung hydraulikk. I servicehallen jobbar DIMO også med mellom anna dekkskranar, vinsjar, pumper, motorar, akkumulatorar og andre hydrauliske komponentar.
DIMO tilbyr feilsøking, reparasjon og overhaling av hydrauliske sylindrar av ulike merke og storleikar. Ta kontakt med serviceteamet for vurdering, service eller bistand ved behov.
DIMO Servicesenter
Telefon: + 47 700 39 900
E-post: office@dimo.no